Դուք չեք կարող այլ բան լինել: Դուք պիտի լինեք հենց այնպիսին, ինչպիսին կաք: Գոյին դուք հենց այդպիսին եք պետք:
Մի անգամ արքան մտնում է այգի և տեսնում տհաճ հոտ արձակող և մեռնող ծառեր, ծաղիկներ, թփեր: Կաղնին ասում է, որ մեռնում է այն ցավից, որ չի կարող այնքան սլացիկ լինել, ինչքան սոճին: Սոճին ասում է, որ իր մահվան պատճառն այն է, որ ինքը չի տալիս այնպիսի բերք, ինչ տալիս է խաղողի որթը: Իսկ խաղողի որթը մեռնում էր այն վշտից, որ չի ծաղկում վարդենու պես: Շուտով արքան գտնում է մի բույս, որը ուրախություն էր պարգևում իր ծաղիկներով և թարմությամբ: Հարցուփորձից հետո, արքան ստանում է բույսի հետևյալ պատասխանը.
— Ես այս ամենը ինքնին շնորհ եմ համարում: Չէ՞ որ երբ դու ինձ տնկեցիր, դու ուզում էիր, որ ես ուրախություն պարգևեմ քեզ: Եթե դու կաղնի, խաղող կամ վարդ ուզեիր, դու հենց դրանցից էլ կտնկեիր: Այդ պատճառով էլ ես մտածում եմ, որ ես չեմ կարող լինել այլ բան, բացի նրանից, ինչ որ եմ: Եվ ես աշխատում եմ զարգացնել իմ ունեցած լավագույն որակները:
Դու այստեղ ես, որովհետև Գոյը հենց քո կարիքն ուներ, կարիքն ուներ հենց նրա, ինչպիսին դու ես: Հակառակ դեպքում՝ մեկ ուրիշը կլիներ այստեղ: Դու մարմնավորում ես ինչ-որ յուրահատուկ, էական, ինչ-որ շատ կարևոր բան: Քո ինչի՞ն է պետք Բուդդա լինել: Եթե Աստված մի ուրիշ Բուդդայի կարիք ունենար, նա կստեղծեր այնքան Բուդդա, որքան ցանկանար:Բայց նա մեկ Բուդդա է ստեղծել: Եվ դա բավական է: Մինչև հիմա նա չի ստեղծել այլ Բուդդա կամ Քրիստոս: Դրա փոխարեն նա ստեղծել է Քեզ: Հիմա հասկացա՞ր, թե Տիեզերքն ինչպիսի ուշադրության է արժանացրել հատկապես քեզ:
Դու ես Ընտրյալը, ոչ թե Բուդդան, Քրիստոսը կամ Կրիշնան:Նրանք իրենց գործն արեցին: Նրանք իրենց ներդրումն ունեցան Գոյի մեջ: Հիմա Դու այստեղ ես, որպեսզի բերես քո ավանդը: Նայիր ինքդ քեզ: Դու կարող ես լինել միայն այն, ինչ որ ես… հնարավոր չէ, որ դու ուրիշ մեկը դառնաս: Դու կարող ես կամ ուրախանալ և ծաղկել, կամ թոշնել՝ չընդունելով քեզ այնպիսին, ինչպիսին կաս:
Առաջադրանքներ
Ա) Ո՞ր մտքերն են համապատասխանում առակին: Հիմնավորե’ք:
Չպետք է ավելիին ձգտել, պետք է բավարարվել ունեցածով:— Համաձայն չեմ, որովհետև պետք է միշտ փորձել զարգանալ և հասնել մեր նպատակներին, բայց չպետք է դրա համար համեմատվել ուրիշների հետ։
Պետք է զարգացնել քո լավագույն որակները:- Համաձայն եմ, որովհետև յուրաքանչյուր մարդ ունի լավ կողմեր, որոնք պետք է զարգացնի և օգտագործի։
Մի’ ձգտիր նմանվել ուրիշներին:- Համաձայն եմ, որովհետև ամեն մարդ յուրահատուկ է, և պետք չէ փորձել ուրիշի նման լինել։
Քեզ Աստված ստեղծել է այնպիսին, ինչպիսին ցանկացել է, որ դու լինես:- Համաձայն եմ, որովհետև յուրաքանչյուր մարդ տարբեր է, և պետք է գնահատել մեր առանձնահատկություները։
Ընդունի’ր քեզ այնպիսին, ինչպիսին կաս:- Համաձայն եմ, որովհետև պետք է ընդունել ինքդ քեզ, սիրել քո լավ կողմերը և աշխատել քո թերություների վրա։
Դու փորձիր Քրիստոս, Բուդդա կամ Կրիշնա դառնալ:— Համաձայն չեմ, որովհետև պետք չէ փորձել դառնալ ուրիշ մարդ։ Ավելի լավ է լինել ինքդ քեզ և գտնել քո սեփական ճանապարհը։
Բ) Համաձա՞յն եք հետևյալ մտքի հետ: Պատասխանը հիմնավորե’ք.
«Դու ես Ընտրյալը, ոչ թե Բուդդան, Քրիստոսը կամ Կրիշնան…»:
Ես համաձայն եմ այս մտքի հետ, որովհետև կարծում եմ որ ամեն մարդ յուրահատուկ է և ունի իր դերը կյանքում։ Պետք չէ փորձել նմանվել ուրիշներին, քանի որ յուրաքանչյուրն ունի իր լավ կողմերը և կարող է ինչ որ լավ բան տալ աշխարհին։ Կարևոր է ընդունել ինքդ քեզ և լինել այնպիսին, ինչպիսին կաս։