Սպիտակ ջրաշուշանը (ամերիկյան հնդիկների հեքիաթներից)

Փաթեթից կարդա’ 26-րդ պատմվածքը, պատրաստվի’ր քննարկման, կատարի’ր առաջադրանքները։

Առաջադրանքներ


Ա) Ո՞րն է հեքիաթի  արժանիքը (արժանիքները): Ընտրե՛ք տարբերակներից մեկը (մի քանիսը) և հիմնավորե՛ք։ Որոնք որ չեք ընտրում, հիմնավորե՛ք՝ ինչո՛ւ չեք ընտրում։

  • Սյուժեն հետաքրքիր է։— Ինձ հետաքրքրեց աստղի պատմությունը, թե ինչպես նա հայտնվեց Երկրի վրա և վերջում դարձավ սպիտակ ջրաշուշան։
  • Պատկերավորման միջոցները շատ են։- Հեքիաթում շատ գեղեցիկ են նկարագրված բնությունը, աստղերը, լիճը և սպիտակ ծաղիկը, ինչի շնորհիվ հեշտ է պատկերացնել այդ ամենը։
  • Արտահայտված գաղափարը հետաքրքիր է։— Հեքիաթը ցույց է տալիս, որ պետք է լինել բարի, օգնել ուրիշներին և չթողնել նրանց դժվարության մեջ։
  • Պատմելու ոճը հետաքրքիր է։— Պատմությունը շատ պատկերավոր է, և կարդալիս հեշտ է պատկերացնել դեպքերն ու բնությունը։

Մնացած տարբերակները չեմ ընտրել, քանի որ դրանք ինձ համար հեքիաթի ամենակարևոր մասերը չէին։

  • Հեքիաթի կերպարները ամբողջական են և համոզիչ։
  • Հեքիաթում տեղեկատվություն կա հդկացիների կյանքից։
  • Հերոսները անձնավորված են, և դա հետաքրքիր է դարձնում հեքիաթը։

Բ) Սա պատմություն էր ջրաշուշանի մասին։ Օգտագործելով պատկերավորման միջոցներ՝  մի այլ պատմությո՛ւն հորինեք բնության որևէ երևույթի, ծառի, ծաղկի, կենդանու, թռչունի կամ  ինչի մասին ուզում եք:

Փոքրիկ կետի մեծ երազանքը

Մի անգամ օվկիանոսի խորքերում ապրում էր մի փոքրիկ կետ, որը չէր սիրում իր ընտանիքի ապրելակերպը։ Նրան դուր չէր գալիս, որ բոլոր կետերը միասին են ապրում, միասին լողում և միշտ հետևում իրենց ավանդույթներին։ Նա երազում էր ուրիշ կյանք ունենալ և տարբերվել իր ընտանիքից։ Մի օր նա որոշեց հեռանալ տնից և գնալ նոր կյանք փնտրելու։ Ճանապարհին նա հանդիպեց շատ տարբեր ծովային կենդանիների։ Նա տեսավ, թե ինչպես են ընտանիքները միասին լողում, խաղում և օգնում իրար։ Նրանց տեսնելով՝ փոքրիկ կետը սկսեց կարոտել իր ընտանիքին։ Նա հասկացավ, որ ամբողջ ընթացքում սխալ էր մտածել։ Իր ընտանիքն էլ էր սիրում իրեն, և նրանց սովորույթները վատը չէին միայն այն պատճառով, որ տարբերվում էին իր պատկերացրած կյանքից։ Նա հասկացավ, որ պետք է ընդունի և իրեն, և իր ընտանիքին այնպիսին, ինչպիսին նրանք կան։ Վերջապես փոքրիկ կետը վերադարձավ տուն։ Ընտանիքը շատ ուրախացավ նրան կրկին տեսնելով։ Այդ օրվանից նա սկսեց ավելի շատ գնահատել իր ընտանիքը, նրանց սովորույթներն ու միասին անցկացրած ժամանակը։ Նա այլևս չէր երազում փախչել իր կյանքից, որովհետև հասկացավ, որ իր տունն ու ընտանիքը շատ կարևոր են իր համար։

Թողնել պատասխան