Պետություն և քաղաքացի

Առաջադրանք 1․ Պատասխանի՛ր հարցերին

  1. Ո՞վ է քաղաքացին։

Քաղաքացին այն անձն է որն ունի իրավական կապ որևէ պետության հետ։

  1. Ի՞նչ է քաղաքացիությունը։

Քաղաքացիությունը մարդու և պետության միջև իրավական կապն է որի շնորհիվ մարդն ունի որոշակի իրավունքներ և պարտականություններ։

  1. Ի՞նչ կապ կա պետության և քաղաքացու միջև։

Պետությունն ու քաղաքացին կապված են իրար հետ։ Պետությունը պաշտպանում է քաղաքացիներին, իսկ քաղաքացիները պետք է պահպանեն օրենքները և հարգեն պետությունը։

  1. Որո՞նք են քաղաքացու հիմնական իրավունքները։

Քաղաքացու հիմնական իրավունքներից են կրթություն ստանալը, ազատ արտահայտվելը, աշխատելը և ընտրություններին մասնակցելը։

  1. Որո՞նք են քաղաքացու պարտականությունները։

Քաղաքացու պարտականություններն են օրենքները պահպանելը, հարկեր վճարելը և այլ մարդկանց իրավունքները հարգելը։

  1. Ինչպե՞ս կարող է քաղաքացին մասնակցել հասարակական և պետական կյանքին։

Քաղաքացին կարող է մասնակցել ընտրություններին, արտահայտել իր կարծիքը, առաջարկներ ներկայացնել և օգնել իր համայնքին։

Առաջադրանք 2․ Տարբերակի՛ր իրավունքներն ու պարտականությունները

Գրի՛ր՝ նշվածներից որոնք են քաղաքացու իրավունքներ, որոնք՝ պարտականություններ։

  • Կրթություն ստանալը։ ֊ իրավունք
  • Օրենքները պահպանելը։ ֊ պարտականություն
  • Ազատ արտահայտվելը։ ֊ իրավունք
  • Հարկեր վճարելը՝ օրենքով սահմանված կարգով։ ֊պարտականություն
  • Մասնակցել ընտրություններին՝ օրենքով սահմանված կարգով։ ֊ իրավունք
  • Այլ մարդկանց իրավունքները հարգելը։ ֊ պարտականություն

Առաջադրանք 3․ Լրացրո՛ւ նախադասությունները

  1. Քաղաքացին այն անձն է, որն ունի իրավական կապ պետության հետ։
  2. Քաղաքացին ունի ոչ միայն իրավունքներ, այլև պարտականություններ։
  3. Պետությունը պարտավոր է պաշտպանել քաղաքացիների իրավունքները։
  4. Քաղաքացին պետք է հարգի պետության օրենքները և այլ մարդկանց իրավունքները։

Առաջադրանք 4․ Ճի՞շտ է, թե՞ սխալ

  1. Քաղաքացին ունի միայն պարտականություններ։ Սխալ
  2. Պետությունը պետք է պաշտպանի քաղաքացիների իրավունքները։ Ճիշտ
  3. Օրենքների պահպանումը քաղաքացու պարտականություններից է։ Ճիշտ
  4. Քաղաքացին չի կարող մասնակցել համայնքի կյանքին։ Սխալ
  5. Իրավունքներն ու պարտականությունները փոխկապակցված են։ Ճիշտ

Առաջադրանք 5․ Քննարկի՛ր իրավիճակը

Քո համայնքում նախատեսվում է կառուցել խաղահրապարակ։ Բնակիչները հավաքվում են, քննարկում առաջարկները և դիմում համայնքապետարան։

Պատասխանի՛ր հարցերին.

  1. Ինչպե՞ս են քաղաքացիները մասնակցում համայնքի կյանքին։

Քաղաքացիները մասնակցում են համայնքի կյանքին հավաքվելով, քննարկելով հարցերը և իրենց առաջարկները ներկայացնելով։

  1. Ինչո՞ւ է կարևոր լսել բնակիչների կարծիքները։

Կարևոր է լսել բնակիչների կարծիքները քանի որ նրանք նույնպես օգտվում են համայնքի տարածքներից և գիտեն իրենց խնդիրները։

  1. Դու ի՞նչ առաջարկ կներկայացնեիր։

Ես կառաջարկեի կառուցել անվտանգ և գեղեցիկ խաղահրապարակ, որտեղ երեխաները կարող են խաղալ և ժամանակ անցկացնել։

  1. Ինչպե՞ս կարող է քաղաքացին օգտակար լինել իր համայնքին։

Քաղաքացին կարող է օգտակար լինել իր համայնքին պահպանելով մաքրությունը, օգնելով մարդկանց և մասնակցելով տարբեր աշխատանքների։

Առաջադրանք 6․ Լրացրո՛ւ աղյուսակը

Քաղաքացու իրավունքներՔաղաքացու պարտականություններ
Կրթություն ստանալՕրենքները պահպանել
Ազատ արտահայտվելՀարկեր վճարել
Մասնակցել ընտրություններինՀարգել այլ մարդկանց իրավունքները

Առաջադրանք 7․ Ստեղծագործական աշխատանք

Գրի՛ր փոքրիկ շարադրություն՝ «Ես պատասխանատու քաղաքացի եմ» վերնագրով։

Շարադրանքում անդրադարձի՛ր հետևյալ հարցերին.

  • Ի՞նչ իրավունքներ ունեմ։
  • Ի՞նչ պարտականություններ ունեմ։
  • Ինչպե՞ս կարող եմ օգտակար լինել իմ համայնքին և պետությանը։

Ես կարծում եմ որ յուրաքանչյուր մարդ պետք է լինի պատասխանատու քաղաքացի։ Ես ունեմ կրթություն ստանալու, ազատ արտահայտվելու և իմ կարծիքն ասելու իրավունք։ Բայց դրա հետ մեկտեղ ունեմ նաև պարտականություններ, օրինակ՝ պետք է պահպանեմ օրենքները և հարգեմ ուրիշներին։ Ես կարող եմ օգտակար լինել իմ համայնքին պահպանելով մաքրությունը, օգնելով մարդկանց և չվնասելով շրջապատը։ Իմ կարծիքով եթե բոլորը պատասխանատու լինեն, մեր համայնքն ու երկիրը ավելի լավը կդառնան։

Ամփոփիչ առաջադրանք

Ավարտի՛ր միտքը՝

«Լավ քաղաքացին այն մարդն է, ով…»

Գրի՛ր 3–4 նախադասություն և հիմնավորի՛ր կարծիքդ։

Լավ քաղաքացին այն մարդն է, ով հարգում է ուրիշներին, պահպանում է օրենքները և կատարում իր պարտականությունները։ Նա ոչ միայն մտածում է իր մասին, այլ նաև փորձում է օգտակար լինել մյուսներին։ Իմ կարծիքով լավ քաղաքացի լինելու համար պետք է պատասխանատու լինել և հետաքրքրվել քո երկրի ու համայնքի կյանքով։

Պետության ձևը

Առաջադրանք 1․ Պատասխանի՛ր հարցերին

  1. Ի՞նչ է պետությունը։

Պետությունը հասարակության կառավարման կազմակերպություն է, որն ունի իր տարածքը, բնակչությունը, օրենքներն ու իշխանությունը։

  1. Ի՞նչ է նշանակում «պետության ձև» հասկացությունը։

Պետության ձևը ցույց է տալիս թե ինչպես է կազմակերպված և իրականացվում պետական իշխանությունը։

  1. Որո՞նք են պետության ձևի հիմնական բաղադրիչները։

Պետության ձևի հիմնական բաղադրիչներն են կառավարման ձևը, պետական կառուցվածքը և քաղաքական վարչակարգը:

  1. Ի՞նչ տարբերություն կա միապետության և հանրապետության միջև։

Միապետության դեպքում պետության ղեկավարը միապետն է, և իշխանությունը սովորաբար փոխանցվում է ժառանգաբար։ Իսկ հանրապետությունում իշխանության մարմիններն ընտրվում են որոշակի ժամկետով։

  1. Ի՞նչ տարբերություն կա ունիտար և դաշնային պետությունների միջև։

Ունիտար պետությունն ունի միասնական կառավարում, իսկ դաշնային պետությունը կազմված է տարածքային միավորներից, որոնք ունեն որոշակի ինքնուրույնություն։

  1. Ի՞նչ է ժողովրդավարական քաղաքական վարչակարգը։

Ժողովրդավարական քաղաքական վարչակարգն այն է երբ ժողովուրդը մասնակցում է երկրի կառավարմանը, ունի իրավունքներ և կարող է ազատ արտահայտել իր կարծիքը։

Առաջադրանք 2․ Լրացրո՛ւ աղյուսակը

Պետության ձևըԲնութագիր
ՄիապետությունՊետության ղեկավարը միապետն է, և իշխանությունը սովորաբար փոխանցվում է ժառանգաբար։
ՀանրապետությունՊետության իշխանության մարմիններն ընտրվում են որոշակի ժամկետով։
Ունիտար պետությունՊետությունն ունի միասնական տարածք և կառավարում։
Դաշնային պետությունԿազմված է տարածքային միավորներից, որոնք ունեն որոշակի ինքնուրույնություն։

Առաջադրանք 3․ Ճի՞շտ է, թե՞ սխալ

Նշի՛ր՝ պնդումը ճիշտ է, թե սխալ։

  1. Միապետության դեպքում պետության ղեկավարը սովորաբար միապետն է։ Ճիշտ
  2. Հանրապետությունում իշխանության մարմինները ձևավորվում են օրենքով սահմանված կարգով։ Ճիշտ
  3. Ունիտար պետությունը բաղկացած է ինքնուրույն պետություններից։ Ճիշտ
  4. Դաշնային պետությունն ունի տարածքային միավորներ, որոնք ունեն որոշակի ինքնուրույնություն։ Ճիշտ
  5. Ժողովրդավարական պետությունում քաղաքացիները չեն մասնակցում պետական կառավարմանը։ Սխալ

Առաջադրանք 4․ Համապատասխանեցրո՛ւ

ՀասկացությունԲացատրություն
1. Միապետությունա. Պետության տարածքային միասնական կառուցվածք
2. Հանրապետությունբ. Իշխանության կազմակերպման ձև, երբ պետության ղեկավարը միապետն է
3. Ունիտար պետությունգ. Իշխանության կազմակերպման ձև, որտեղ պետական մարմինները ձևավորվում են որոշակի ժամկետով
4. Դաշնային պետությունդ. Պետություն, որը կազմված է որոշակի ինքնուրույնություն ունեցող տարածքային միավորներից

Միապետություն- բ

Հանրապետություն- գ

Ունիտար պետություն- ա

Դաշնային պետություն- դ

Առաջադրանք 5․ Ընտրի՛ր ճիշտ պատասխանը

  1. Ո՞րն է պետության կառավարման ձևը։
    • ա) Միապետություն
    • բ) Ժողովրդավարություն
    • գ) Ունիտարություն
  2. Ո՞րն է պետության տարածքային կառուցվածքի ձևը։
    • ա) Հանրապետություն
    • բ) Դաշնություն
    • գ) Միապետություն
  3. Ո՞ր դեպքում է իշխանության ձևավորման գործում կարևոր դեր ունենում քաղաքացիների ընտրությունը։
    • ա) Հանրապետություն
    • բ) Բացարձակ միապետություն
    • գ) Ժառանգական միապետություն

Առաջադրանք 6․ Մտածի՛ր և ներկայացրո՛ւ

Պատկերացրո՛ւ, որ դու պետք է բացատրես ընկերոջդ, թե ինչու են պետությունները տարբեր լինում իրենց կառավարման և տարածքային կառուցվածքով։

Գրի՛ր 4–5 նախադասություն՝ օգտագործելով հետևյալ բառերը՝ պետություն, իշխանություն, հանրապետություն, միապետություն, դաշնություն։

Պետությունները տարբեր են լինում իրենց կառավարման և տարածքային կառուցվածքով։ Օրինակ հանրապետությունում իշխանության մարմիններն ընտրվում են քաղաքացիների կողմից, իսկ միապետությունում պետության ղեկավարը միապետն է։ Կան պետություններ որոնք ունեն միասնական կառավարում, իսկ որոշները դաշնություն են և կազմված են ավելի ինքնուրույն տարածքային միավորներից։ Իմ կարծիքով ամեն պետություն իր համար ընտրում է կառավարման այն ձևը, որն ավելի հարմար է համարում։

Թեմա ՝ Պետություն , Պետության գործառույթները

Ստորև ներկայացնում եմ Հասարակագիտություն առարկայի Դասագրքի հղումը ։ Սովորիր դասը — էջ 14-26 փորձիր գրավոր պատասխանել հարցերին՝բլոգում։

  1. Իմ կարծիքով պետությունը ավելի շատ կօգտագործի նոր տեխնոլոգիաներ, որպեսզի մարդկանց կյանքը հեշտանա։
  2. Իմ կարծիքով որոշ գործառույթներ կհեշտանան, բայց նոր գործառույթներ էլ կավելանան։ Պետությունը պետք է հետևի որ արհեստական բանականությունը ճիշտ օգտագործվի։
  3. Այո, պետությունը պետք է հետևի որ սոցիալական ցանցերում չխախտվեն մարդկանց իրավունքները, և մարդիկ պաշտպանված լինեն խաբեությունից։
  4. Այո, օրինակ՝ պատերազմի ժամանակ ամենակարևորը մարդկանց անվտանգությունն է, իսկ խաղաղ ժամանակ նաև կրթությունն ու առողջապահությունը։
  5. Պետությունը օրենքներ է ընդունում և հետևում, որ մարդիկ պահպանեն դրանք։ Այն նաև պետք է պաշտպանի մարդկանց իրավունքներն ու անվտանգությունը։

Պետության հատկանիշները և Պետության գործարույթները

. « Գիտելիքի հաղորդում և ներկայացում»

  1. Ընտրել ճիշտ պատասխանը
    1.1 Նշվածներից ո՞րը պետության հատկանիշ չէ ։
    ա) մշտական բնակչություն բ) սահմանված տարածք
    գ) Միջազգային ճանաչում դ) կառավարություն

  2. 1.2 Նշվածներից ո՞րը ՀՀ իշխանության ճյուղ չէ։
    ա)Օրենսդիր բ) Գործադիր
    գ) Դատական դ) Տեղական

  3. 1.3 Նշվածներից ո՞րը պետության մշտական գործառույթ չէ։
    ա) Հարկերի հավաքում բ) Արտակարգ դրության
    հայտարարում

    գ) Կրթության կազմակերպում դ) Օրենքների ընդունում

  4. 1.4 « Իշխում է մեկ անձ ժառանգականության սկզբունքոբ հանուն
    ընդհանուր բարօրության » ։ Ո՞ր պետության ձևի մասին է խոսքը։
    ա) Թագավորություն բ) Արիստոկարտիա
    գ) Բռնապետություն. դ) Օլիգարխիա

  5. 1.5 Նշված պետություններից ո՞րը բացարձակ միապետություն չէ։
    ա) Սաուդյան Արաբիա բ) Մոնակո
    գ) Բահրեյն դ) Մեծ Բրիտանիա

«Վերադասավորում և փոխանցում »

  1. Ինչո՞ւ է պետությունը կարևոր հասարակության համար։ Նշե՛ք երկու պատճառ
    (առավելագույնը 50 բառ)։ (2 միավոր)

Պետությունը կարևոր է, որովհետև ապահովում է հասարակության անվտանգությունը և հետևում է օրենքների պահպանմանը։ Այն նաև կազմակերպում է կրթությունը և պաշտպանում քաղաքացիների իրավունքները։


« ԻՆՔՆԱԱՆԴՐԱԴԱՐՁ ԵՎ ԽՆԴՐԻ ԼՈՒԾՈՒՄ »

  1. Նկարագրե՛ք՝ ինչ կլինի, եթե պետությունը չիրականացնի իրավակարգի
    ապահովումը։ Բերեք մեկ օրինակ (առավելագույնը 50 բառ)։1 միավոր

Եթե պետությունը չապահովի իրավակարգը մարդիկ կարող են չպահպանել օրենքները, և հասարակության մեջ անկարգություններ կառաջանան։ Օրինակ՝ գողության դեպքում հանցագործը կարող է չպատժվել և մարդիկ իրենց անվտանգ չեն զգա։

  1. Ինչպե՞ս է պետությունը և քաղաքացին փոխհարաբերություն ունենում
    միմյանց նկատմամբ։ Նշե՛ք մեկ օրինակ։

Պետությունը պաշտպանում է քաղաքացիների իրավունքները, իսկ քաղաքացիները պետք է պահպանեն օրենքները և կատարեն իրենց պարտականությունները։ Օրինակ՝ պետությունը կազմակերպում է կրթությունը, իսկ քաղաքացիները հետևում են դպրոցական կանոններին։

  1. Ներկայացրե՛ք՝ ինչ տարբերություն կա ունիտար և դաշնային
    պետությունների միջև, մեկ նախադասությամբ։

Ունիտար պետությունն ունի միասնական պետական համակարգ, իսկ դաշնային պետությունը բաղկացած է մի քանի տարածքային միավորներից։

  1. Պատասխանե՛ք՝ ինչու է պետությունը կարևոր հասարակության համար։
    Նշեք երկու պատճառ, առավելագույնը 50 բառ

Պետությունը կարևոր է, որովհետև պահպանում է հասարակական կարգն ու անվտանգությունը և պաշտպանում քաղաքացիների իրավունքները։

Իմ հիմնական իրավունքներն ու ազատությունները

Ինձ վերաբերող հոդվածներն են 30-րդ, 34-րդ, 37-րդ, 38-րդ, 39-րդ, 42-րդ, 43-րդ, 52֊րդ, 53֊րդ և 64֊րդ։

Հոդված 30․ Կանայք և տղամարդիկ ունեն հավասար իրավունքներ։

Հոդված 34․ Իմ անձնական տվյալները պետք է պաշտպանված լինեն, և ես իրավունք ունեմ իմանալու, թե ինչ տվյալներ են իմ մասին պահվում։

Հոդված 37․ Ես որպես երեխա իրավունք ունեմ ազատ արտահայտելու իմ կարծիքը, և ինձ վերաբերող հարցերում իմ կարծիքը պետք է հաշվի առնվի։

Հոդված 38․ Ես ունեմ կրթության իրավունք և կարող եմ ստանալ կրթություն։

Հոդված 39․ Ես ազատ եմ անել այն, ինչը չի խախտում ուրիշների իրավունքները և չի հակասում օրենքներին։

Հոդված 42․ Ես իրավունք ունեմ ունենալու և ազատ արտահայտելու իմ կարծիքը, ինչպես նաև տեղեկություններ ստանալու և տարածելու։

Հոդված 43․ Ես ունեմ ստեղծագործելու ազատություն օրինակ՝ գրել, նկարել, երաժշտություն ստեղծել և այլ ստեղծագործական աշխատանքներ անել։

Հոդված 52․ Եթե իմ իրավունքները խախտվեն, ես կարող եմ դիմել Մարդու իրավունքների պաշտպանին։

Հոդված 53․ Ես իրավունք ունեմ դիմումներ և առաջարկներ ներկայացնելու պետական և տեղական մարմիններին և ստանալու պատասխան։

Հոդված 64․ Ես իրավունք ունեմ ստանալու իրավաբանական օգնություն և անհրաժեշտության դեպքում ունենալու փաստաբան։

Ինձ վերաբերող սահմանադրական հոդվածները

Ինձ ամենաշատը վերաբերում են 3-րդ, 7-րդ և 8-րդ հոդվածները։

Հոդված 3 Մարդու արժանապատվությունը, իրավունքներն ու ազատությունները պետք է հարգվեն և պաշտպանվեն։

Հոդված 7 Ես ունեմ ընտրելու իրավունք, և ընտրությունները պետք է լինեն ազատ, հավասար, ուղղակի և գաղտնի։

Հոդված 8 Ես կարող եմ ունենալ իմ սեփական գաղափարներն ու քաղաքական կարծիքը, իսկ տարբեր կուսակցություններ կարող են ազատորեն գործել։